மத்திய அரசு ஊழியர்களின் ஓய்வு வயதை 62ஆக உயர்த்தும் திட்டம் இல்லை - மத்திய அமைச்சர் நாராயணசாமி

மத்திய அரசு ஊழியர்களின் ஓய்வு வயதை 62ஆக உயர்த்தும் திட்டம் இல்லை என மத்திய அமைச்சர் நாராயணசாமி தெரிவித்துள்ளார். மத்திய அரசு ஊழியர்களின் ஓய்வு வயது கடந்த 1998ம் ஆண்டு 58லிருந்து 60ஆக உயர்த்தப்பட்டது. தற்போது நிலவும் நிதிப்பற்றாக்குறையை சமாளிக்க, பணியார்களின் ஓய்வு வயதை 62ஆக உயர்த்த மத்திய பணியாளர் நலத்துறை அமைச்சகம் ஆலோசித்து வருவதாக ஊடகங்களில் தகவல்கள் வெளி யாகின. மேலும் அடுத்து நடைபெறவுள்ள மக்களவை தேர்தலை முன்னிட்டும் இந்த அறிவிப்பு வெளியாகலாம் என கூறப்பட்டது. இது குறித்து மத்திய பணியாளர் மற்றும் நலத்துறை இணையமைச்சர் நாராயணசாமி டெல்லியில் நேற்று அளித்த பேட்டியில், ''மத்திய அரசு ஊழியரின் ஓய்வு வயதை உயர்த்தும் திட்டம் எதுவும் தற்போது இல்லை'' என்றார்.