பிளாஸ்டிக் இல்லா கிராமங்களுக்கு விருது: தமிழக அரசு அறிவிப்பு

பிளாஸ்டிக் இல்லாத கிராமங்களுக்கு விருது வழங்க தமிழக அரசு முடிவு செய்துள்ளது. தமிழகத்தில் பிளாஸ்டிக் இல்லாத சூழ்நிலையை உருவாக்க தமிழக அரசு முயன்று வருகிறது. இதன் ஒருபகுதியாக, பிளாஸ்டிக் இல்லாத கிராமங்கள், பிளாஸ்டிக்கின் தீமைகள் குறித்து விழிப்புணர்வு பிரசாரம் செய்யும் சுய உதவிக்குழுக்கள் மற்றும் பிளாஸ்டிக் இல்லாத வளாகத்தைக் கொண்டுள்ள பள்ளிகள் ஆகியவற்றிற்கு விருதுகள் வழங்க தமிழக அரசு முடிவு செய்துள்ளது. இதன்படி, ஒவ்வொரு பிரிவிலும் 3 பேர் தேர்வு செய்யப்பட்டு அவர்களுக்கு முறையே ரூ. 5 லட்சம், 3 லட்சம் மற்றும் 2 லட்சம் வழங்கும் அறிவிப்பை தமிழக அரசு வெளியிட்டுள்ளது.