அனைவருக்கும் இனிய 67வது சுதந்திர தின வாழ்த்துக்கள்

இந்திய திருநாட்டின் 67வது சுதந்திர திருநாள் ஆகஸ்ட் 15ம் தேதி கொண்டாடப்படுகிறது. சுதந்திர திருநாள் கொண்டாட்டங்களுக்கு இப்போதே நாடு தயாராகி வருகிறது. டெல்லி செங்கோட்டை கொத்தளம் அழகுபடுத்தும் பணிகள், வாகன அணிவகுப்புக்கான ஏற்பாடுகள் விரைவாக செய்யப்படுகின்றன. அதேபோல சென்னை கோட்டை கொத்தளங்கள் பராமரிக்கும் பணி, கொடி மரம் சுத்தப்படுத்தும் பணி போன்ற பணிகள் விரைவாக நடக்கின்றன. அதேபோல பள்ளி, கல்லூரிகளிலும் சுதந்திர தின கொண்டாட்டங்களுக்கு தயாராகி வருகின்றனர். தேசிய கொடிகளை பொறுத்தவரை கிழிந்திருக்க கூடாது, நிறம் மங்கியிருக்க கூடாது என்பது போன்ற விதிமுறைகள் உள்ளன. அதனால் பெரும்பாலான கல்வி நிறுவனங்கள் மற்றும் அரசு அலுவலகங்களில் புதிய கொடிகளையே சுதந்திர தினத்துக்கு பயன்படுத்துவது வழக்கம். சுதந்திர தினத்தில் தேசிய கொடிகள்பட்டொளி வீசி பறக்கட்டும்