அரியலூர் மாவட்டம், கோப்பிலியாங்குடிகாடு ஊராட்சி ஒன்றிய தொடக்கப்பள்ளியின் சுவர்கள் மிகவும் சேதம டைந்துள்ளதை கலெக்டர் சரவணவேல்ராஜ் நேரில் சென்று பார்வையிட்டு ஆய்வு செய்தார்.

பள்ளியின் கட்டிட சுவர்களை உடனடியாக சீரமைக்க எவ்வளவு காலம், எவ்வளவு செலவு ஆகு மென்றும் ஒன்றிய பொறி யாளரிடம் கேட்டறிந்தார். அதேபோன்று பள்ளி தலை மையாசிரியரிடம் மாணவர்களின் படிப்பு எந்த விதத்திலும் பாதிப்பு அடையாத வண்ணம் பள்ளியின் சீரமைப்பு பணிகள் முடியும் வரை பள்ளி தற்காலிகமாக வேறு ஒரு இடத்தில் செயல்படுவதற்கு தகுந்த நடவடிக்கை எடுக்க தலைமையாசிரியருக்கு உத்தரவிட்டார். 

மேலும், பள்ளியின் சீரமைப்பு பணிகள் முடியும் வரை மாணவர்கள் கட்டிடங்களுக்குள் செல்ல அனுமதிக்க கூடாது என பள்ளி ஆசிரியர்களுக்கு உத்தர விட்டார். மேலும், இப்பள்ளிக்கு தற்காலிக இடமாக மண்ணூழியில் உள்ள ஒரு இடத்தினை கலெக்டர் பார்வையிட்டு அவ்விடமானது தற்போது இயங்கி வரும் பள்ளியிலிருந்து வெகு தொலைவில் உள்ளதால் அந்த இடத்திற்கு பதிலாக அப்பள்ளி தற்போது இயங்கி வரும் இடத்திற்கு அருகாமையில் பள்ளிக்கு இடம் தேர்வு செய்யுமாறு அலுவலர்களுக்கு உத்தரவிட்டார்.

மேலும், மழை காலங்களுக்குள் பள்ளியின் கட்டிடத்தில் ஏற்பட்டுள்ள சேதங்களை விரைவில் முடித்து மாணவர்களின் படிப்பு எந்தவிதத்திலும் பாதிக்காத வண்ணம் முடித்து தருமாறு பொறியாளருக்கு கலெக்டர் சரவணவேல்ராஜ் உத்தரவிட்டார்.